Ég hef unnið lengi í verkefna- og vörustjórnun og þar séð skýrt hvar hlutirnir ganga vel, hvar þeir fara að hiksta og hvað skilur á milli þess sem virkar í alvörunni og þess sem lítur bara vel út á blaði.
Samhliða því hef ég sjálfur rekist á alls konar núning í lífinu utan vinnunnar, í samhæfingu, utanumhaldi, heimilislífi og öllu því mannlega sem sjaldan fær almennileg verkfæri.
Núna nota ég þá reynslu til að skapa markvissari lausnir með hjálp gervigreindarforritunar. Lausnir sem taka raunverulegar þarfir alvarlega og passa betur við fólk og aðstæður þess.
Nánar um migÞjónusta í boði
Ég býð fyrirtækjum upp á hands-on námskeið í því hvernig þau geta nýtt sér þessa tækni í alvörunni. Ekki sem einhverja loðna kynningu á því hvað gæti mögulega verið hægt, heldur þannig að ég komi inn og við notum tæknina saman til að leysa raunverulegt vandamál.
Hugmyndin er einföld: við tökum fyrir eitthvað sem fyrirtækið er í dag fast með - kerfi, ferli eða lausn sem er óþarflega leiðinleg, óskilvirk, ljót eða dýr - og í stað þess að tala um hvernig mætti kannski bæta það einhvern tímann, byggjum við saman nýja og miklu nothæfari útgáfu.
Mér finnst það miklu meira virði en að tala bara um möguleikana. Þegar fólk sér með eigin augum að það er hægt að skipta út gömlu lausninni fyrir eitthvað sem passar betur við þeirra vinnuflæði, þeirra fólk og þeirra þarfir, þá fyrst verður ljóst hvað þessi tækni getur gert. Og í mörgum tilfellum getur það líka þýtt minni kostnað, minni pirring og miklu betri nýtingu á tíma.
NánarVerkefnin mín
Umönnun / CareSync
Þetta er verkefnið sem stendur mér næst.
Umönnunarkerfi eru til í þúsundatali. En það að umonnun.is skyldi hafa verið laust lén, og að nánast ekkert venjulegt fólk hafi heyrt um þær lausnir sem þegar eru til á þessu sviði, segir sitt. Þetta þarf að nálgast frá öðru sjónarhorni, frá sjónarhorni fólksins sem er í raun og veru að reyna að halda utan um umönnunina, vera til staðar og láta hlutina ganga upp. Hver kemur hvenær. Hvað hefur verið gert. Hverju gleymdist að segja frá. Hlutirnir sem detta á milli, ekki vegna þess að engum sé ekki sama, heldur vegna þess að það vantar góða leið til að vera samstíga.
GoLivePlaybook
í þróunÍ verkefnavinnu nota fyrirtæki oft mörg tól sem tala illa saman. Þetta á að gera betur.
Í verkefnavinnu lenda fyrirtæki oft í því að nota mörg tól sem tala illa saman. Upplýsingar dreifast, utanumhald verður óþarflega þungt og framkvæmdin flóknari en hún þyrfti að vera. GoLivePlaybook byggir á margra ára reynslu minni úr verkefna- og vörutengdu umhverfi og þeirri trú að tæknin geti hjálpað fyrirtækjum að búa til umhverfi sem passar raunverulega við þau sjálf. Ekki eitt sniðmát sem á að henta öllum, heldur skipulag sem mótast af rekstrinum, flæðinu og þörfunum hvers og eins.
CrowdSync
í vaxandi þróunSamhæfing á milli hóps og gestgjafa í rauntíma. Byrjaði í tónlist, stækkar út á við.
Hvar sem hópur og gestgjafi þurfa að vera samstíga í rauntíma, hvort sem er á viðburðum, vinnustofum, ráðstefnum eða í kennslustofum, vantar eitthvað. Tólin sem eru til senda upplýsingar í eina átt eða gera kannanir. Nánast ekkert þeirra höndlar raunverulegu gangverkið: hópurinn vill eitthvað, gestgjafinn getur boðið upp á eitthvað, og þetta þarf að mætast á, jafnóðum, án þess að flæðið tapist. CrowdSync er stærri hugmyndin sem vex út úr kosningakerfi sem ég smíðaði fyrir mína eigin tónleika, þar sem þetta hefur þegar sannað sig.
Tilbúið og í notkun
Fimman kosningakerfið
í notkunLifandi sönnun fyrir CrowdSync. Áhorfendur kjósa, orkan byggist upp í stað þess að drepast.
Fimman verðreiknir
í notkunVerðlagning giggs á ekki að vera óþægileg tölvupóstkeðja. Svo ég gerði sjálfsafgreiðslutól sem klárar þetta.
PlayDateSync
í notkunSamhæfing milli heimila, í kringum börnin, skjátíma og sanngirni. Byggt fyrir hvernig fjölskyldur virka í alvörunni.
Í mótun
Fjölskyldudagatal
á frumstigiFjölskyldudagatal sem les tölvupóstana frá skólanum og tómstundunum og breytir þeim í skýra yfirsýn. Knúið af AI.
Golfhópavettvangur
á frumstigiGolfhópar búa til sinn eigin heim, keppnir, reglur og hefðir. En enginn vettvangur er raunverulega gerður fyrir þann heim.
Samtalið skiptir öllu
Besta útgáfan af því sem ég byggi verður aldrei til frá mér einum. Mín reynsla gefur mér byrjunarpunktinn, þessa tilfinningu fyrir því að eitthvað ætti að vera betra. En fólkið sem lifir með þessum veruleika á hverjum degi sér hluti sem ég sé ekki.
Þess vegna eru viðbrögð ekki aukaatriði, heldur hluti af því sem skiptir mestu máli. Og þess vegna hef ég yfirleitt meiri áhuga á góðu samtali en á því að hafa rétt fyrir mér. Ef eitthvað hér kveikir eitthvað hjá þér, eða ef þú sérð þetta öðruvísi, þá langar mig að heyra það.